Usflug vo dr Aktivrigi am 13.11.16

Träffpunkt: Bahnhof SBB, 08:00Uhr, Nägschti Station: Lieschtel Bahnhof vo dört mit em gäle Bus Nr. 81 uf Reigoldswil.

Dört hän alli nonemol d Schuhe bunde und den sin mir abmarschiert. Zum leidwässe vom Megge sin mir an dr Talstation (Luftseilbahn Wasserfalle) verbi glofe und sin stattdese em Jägerwäg gfolgt.

 Aktivriege 01

 

Nid alli hän do e freug gha aber es hän sich alli durebisse ohni z motze.

Nach dr einde oder andere Marschpause..........

 Aktivriege 02

Sin mir an e schöne Ussichtspunkt cho wo s au scho Schnee gha het und dört sin mir zum Gmietlige Teil über gange.

Dr Denis het den dört e Apero us sim Rucksack zauberet dä hän mir in volle Züg gnosse (au verdient) nid z vergässe isch au s Fleisch vom Hannes.

 Aktivriege 03

Früsch gstärkt hän mir den dr höchschti Punkt vom Baselbiet erklumme.

Nach däm Krampf isch es den nümme wid gange zum Restaurant Waldweid wo mir uns den mit em Piero und em Mosi troffe hän.

 Aktivriege 04

Im Restaurant isch s Ässe au guet gsi und mir hän im minimum 10000 Kalorie zu uns gno so das mir gnueg Resärve für dr Abstig gha hän.

E paar hän zwüsche ine miese uf e paar anderi warte...........

 Aktivriege 05

Aber au die sin irgendwenn emol cho.

 Aktivriege 06

Wo mir dr Abstig gschaft gha hän sin die einte oder andere e bizeli uf dr Schnurre gsi

 Aktivriege 07

Aschliessend sin mir mit em Waldeburgerli uf Lieschtel und den mit dr SBB uf Basel gfahre wo mir alli wider unseri eigene Wäg gange sin.